238
15. Ndā mangkanojar nirā sang dwijendra,
ten warṇnanĕn śrī nṛpating kaḍatwan,
narendrā kaśipura tang wiwakṣan,
muwah watĕk parthiwa rāja mahya.
16. Huwus si -/- rādan bala wīrayodha,
/119.b./ Sar sök pnuh rakwa tkeng pkĕn sĕk,
ghūrṇnang wanguntur kahawan gajāśwa,
taṭit mahöm tulya nikang dwajābang.
---o0o---
1. Yyāngkat sang para rāja kirṇna mangiring kā-
śindra dhatrātmaja,
sangkĕp ring bala kośa wāhana dudūng sarwwā-
stra muntab murub,
mangkā lwir śiwa sūryya rūpa kahiḍĕp sangkeng
wiyat bhaswara,
mweng teki kadi candra pūrṇna sumnö wintang
samā ning bala.
2. Sang śrī dwārawatīki rākwa makapāngañjur
watĕk bhūpati,
munggwing sāmaja suddha warṇna ya bangun
śācindra airāwaṇa,
diptang bajra sutikṣna yeka gingā
lwir hyang surendranglurug,
gandarwwāpsara tulya ning bala gaṇa lwir
rodra moreng tawang.
