23 8. Pūjan solah-irĕki śūnya ringĕp nira ri hu wus-iran pangañjali, /13.a./ dhyāyī -/- śrī wara boddha satwa śinarīra kĕn-ira saha yoga dharaka, rĕp prāpteng kiraṇeng ruhur saka ri keśa niran-asĕmu mṛtyu bhāswara, sāmpunyedrana pin tigehulu nireki hilang i wadanā nṛpātmaja.
-- 0 --
1. Kāla śrī hastinendrātmaja sḍĕng-umnĕb ting kah-ing bāyu lumra, enak tāmbĕk nire tan hana rasa ni parok ning tigā jñāna śūnya, ūmwas tang swedha sangke rahi mira tumibeng bhūmi liṇḍwatighora, ait śrī widyutkarāli sira majil i harĕp sang sḍĕng sūkṣma rūpa.
2. Ghorang warṇnahirĕng dwĕ daśa muka dumilah söng nikang netra rakta, ḍangṣṭra rwāgrātitikṣṇāng ring-iringi masawit kāga kṛṣṇābhimāna, keśawyang bāng kaphalādbhuta skar-ira ring karṇna tulya dwicandra, malwālaṇḍung tḍuh ning wtĕng-akawaca mong carmma singhā ya rūpa.
3. Sarwwāstrāne kawarṇnākrama ri tangan-ire kang daśāstra prakara,
