232
Prodbhūtang hangga yadyan matmahana mahākā-
la rūdra gni rūpa,
ngkā tākun brāhma rūpāmadhana ri gĕng-ing
kroda madwandwa yuddha.
4. Ndan yan soreki śaktingku pjaha tkap-ing
rātnakaṇḍādirājya,
byaktekang wiṣṇulokāparimita kadunung sūryya
/116.b./ marggātiśo -/- bha,
yapwan nūrddhāmnang ring laga niyata nikang
swargga wāhyan katmu,
stryādi mwang rātna bhogā karaṇa ya phala
ning wīra singheng raṇangga.
5. Sangsiptanya ndi hetunyanatiking-arĕs-ānungkule
śatru śakti,
wwang melik ring mahāswargga ngaran-ika yadin
kumyuseng wīra karyya,
yadyan tan mātya yan tan puji nika ya lĕ-
hĕng ring pjah śura ring prang,
āpan don-ing tuwuh rakwe ya mulahaknang dhar-
mma kāstutyan ring rat.
6. Ling sang kasindra citrāngsuka sira sumahur
dwārawatyādirāja,
dhū bhagyā dents nātha nghulun-iki tumutā
selwane sang narendra,
yan sang śryāwangga yokān kapangulu nguniweh
māgadhendrādirāja,
manggĕh ngwang karwa tañjrih sakaharĕpan-ikā
mon silih bajra - bajra.
