226
dudwekane maharan samudra malĕtuh tekang
mahāsāgara,
mīṇosah kakbur pjah kulina tang jong pelang-
akweh karĕm.
12. Mangkā lwir nikanang tri loka kaparah de
śrī mahārākṣasa,
tan warṇnan tka ring teal kuru sirālwa
lwir mahĕtang sabha,
warṇnan śrī nṛpa hastinendra rumngö reh
śrī mahārākṣasa,
prāstāhyun malapa siran kahature hyang kāla
don-ing ḍatĕng.
---o0o----
1. Lumrāng wṛtta huwis praśāsta ri ḍatĕng sang-
asūrapati rātnakaṇḍaka,
wrin - wrin buddhi nikang sarājya ri dalĕm
hali - halin-i sirang narśwara,
mukyā śrī parameśwarī sira wirang rwang-i
tka nikenang mahāsura,
towin śakti mahātirodra karĕngönya kawdi - wdi
sang watĕk ratu.
2. Āmbĕk śrī jinamūrtti manggĕh-i manah nira
yadi pakacarwa lampunĕn,
dening sih nira ring jagat karaṇa tan harĕp-
i tmāhan-ing prangadbuta,
/114.a./ nāhān hetu niran ha -/ - rĕp mahĕma ring
pura saha bala wīra sangghyata,
donyānungkula ring musuh sura jugāng-
masana pinakeṣṭi ning hati.
