22
mraknyeñjuh mangigĕl maningtingangasin kadi
mangayap i pinggir-ing jurang.
5. Lor wetanya tgal - tĕgal apahapā -/- pangĕ [12.b.] bĕtan-ika śūnya nismara,
kṣetrāgöng kahiring kidul paḍara pöng kayun ika kasine lawan rukĕm,
sök tekang kunapāglar hana añar hana lĕwas ahamĕng sḍĕng basah,
śwanyātryāwurahan waneh ya marĕbut cĕngĕl alayū mangīrakĕn wĕhang.
6. Ḍangḍangnyāliwĕran paḍātri mihating śawa maktĕkan-ing lĕbak - lĕbak,
romanyādĕl aket lawan śira hawor dukutak :-ing-usungan haneng padu,
len tekang tahulan kaphāla matumang garagasan i samīpa ning- hawan,
dodok wuk nanahĕn kasampiri pagĕrnya kura-kura gaḍāng - gaḍāng janur.
7. Nyāng grodhāsulur ing lĕmah kpuh-agöng karamaya na milĕt tkeng ruhur,
sök rangkangnya na marppatā paduwitāna ri tngah- ikanārjja kokiran,
byātītan ri surup hyang-arkka nṛpa putra sira ḍatĕng-arāryyan-ing yaśa,
ngkān mañjing sira ring pangārccaṇa mangārccaṇa ri sang-atirūpabherawi.
