224
sarwwastradbhuta tansah-ing phalana renggatyanta ring bhisana,
lwir singhasana raja dibya pangasih sang sri maharaksasa.
5. Paksinyasya bangun kagendra mahawan byomati- sighran laku,
res - res yan padulur prahara kumusus guntur tikang parwwata,
prodbhutang badamalwa tiksna ginego nyamrih sakeng tan hana,
prang nyang lwir glap-ahni muntab-i dilah ning sarwwa bayottama.
6. Krurakara sang-indra bajra sumuyug tan sang- graheng wahana,
gong krodhan panguwuh lumumpat-amuter dandanya gangsal dpa,
kagyat sing lumihat bangun kahilangan wani- nya ring paprangan,
apan ayuh sakamargga denya pinupuh ring danda kolahala.
7. Gok ghyor sighra tikang dulo -/- ma lumurug lwir singharajeng wana,
gong tulyaksi nika rwa mulyar-umurub dhang- stranya tiksnamnges,
dukduk konta bangun nagakra kahidep tansah adeng ning laga,
byaktang satru sahasra koti ya larut himper gajandrapupul.
