223
1. Mangkat sang prabhu porusada panutub ning lampah-atyadbhuta,
saksat hyang parameswaranitih-i goh suddhati- saktyojwala,
mangka tingkah-ireng wimana tadulur teja pralembeng langit,
muntab lwir sikaradrirajan lwir mrtyu ring bhaswara.
2. Samantang prabhu dewa tulya kahidep saptarsya- santi sira,
hung - hung ning bala wirayodha gumereh mantra tri pujakrama,
newedyastra mapuspa jiwa makawijang dhira harohara,
dhyayi citta wisesapadang-usirén tan wandhya siddhang rana.
3. Sok takang bala daitya raksasa humung gong ghyora tan pangkura, /
saksat kala manurtti bahni tkap ing sarwwa-stra muntab murub,
wat ning krodha bangun tkamangana sakweh ning watek dewata,
tan hopin tikanang bhuwah pada rugen de- nya tke bhutala.
4. Mukyekeng mapatih wimona pinakotunggagra ning raksasa,
munggwing sanajang-astadanta malungid lwir astalinggacca ya,
