222
lilabhusana sarwwa ratna mani kostubha nira kumnar,
capa mwang gada panglaheka saha sakra pinuter-i tagen.
4. Sangkarik ri harep mrdangga muni gurnnita pareng aslur,
mewwiwwang bala tulya dewa dadi ning wani pjah-ing-ayun,
catra rwasmu candra kalih-akilat sarawaranisita,
kumlah tengran-iratulie garuda rupa kadi mangabena.
5. Sryawanggadhipa datrarupa ri hugat sira wahu lumurug,
munggwing syandana hangsa warnna kadi mora kumda -/- p aputih,
muntab song ni tutup glung nira skartaji nira dumilah,
krurambek nira kadi wetwa caturasya adeng-ing-alaga.
6. Sok tekang bala wira sarwuda dudung gaja-ratha turaga,
mantri tanda maharddhikeng guna sahasra mangapi ri sira,
sakweh -kweh ning-anar bangun pinakakaryya nira sumanringah,
set ning lokatara pramana juga ling ning- umulat-i sira.
---o0o---
