221
16. Lwir sanghara mahaprakampa ri wijil maha-surapati,
lindwagong tka ring siwalaya girindra raja kahiring,
rep - rep - rep pranatatibhakti tikanang prawira sahana,
mwang sakweh para parthiwenutug-iran lumapah amuka.
---o0o---
1. Ndah sang sri nrapati kalingga mahawan rathamani rumuhun,
lwir sang hyang rawi bhaswara -/- pwa sumno bungah-i muka nira,
sok sarwaa sphatikadi bhusana murub kadi tatit-sliwer,
genternyan grbeging balasrang-asurak kadi glap-angawur.
2. Wadakweh kadi megha sangghya sumaput ring-acala mangiring,
malyadbhuta sanjatanya hana bajra musalanisita,
len tekang mangagem tri sula gada capa ya hinayataken,
tan wandyawtu warsabana ri sdengnya malaga ring-ayun.
3. Mangkat sri nagadhendra rakwa sumilih ratha garudasana,
lwir sanghyang hari krana waruna tuhu dewa sakala kahidep,
