21
līlātūt hiring ing gĕgĕr - gĕgĕr-angungkuli pasawahan-ing lĕbak - lĕbak,
grong-grong rong pṛdunging jurang gumuruh atri bañu nika sakeng ruhur wukir,
syokṣyuk śabda nikang tahĕn kapawanan kadi [12.a.] pasurak-i śabda ning -/- tasik.
2. Wanwā kweh kuwuśīma sūnya kaparah patani jamur i pinggir-ing hawan,
sĕñjang - sĕñjang-ikana pinañcuran awarṇna kabuyutan-i sanding-ing pkĕn,
strī stryākweh madulur - dulur rara wulañjar ika paḍa mangangsuring lĕbuh,
len tekang marahup hanādyus aciwo sing-ulah ika paḍāwudāwuda.
3. Kubwan - kubwan-ikā rĕṇĕb pakisawor kaja - kaja ran i tīra ning bañu,
duryyanwung lwananekamanggis andhĕng pucang arĕja rinambatan sĕrĕh,
aryyan haṇḍuru ring gĕgĕr gubug i sanding-ika liniput-ing pasang gaḍing,
bantyangnyātri kneng wilantih anusup kidang ika malayū lawan wijung.
4. Pakṣinyāwurahan hane pangarĕbut waha nḍĕng-i pinggir-ing hawan,
cukcak cangkilungan parañjangan-ikāniru - niru wuwus-ing rĕjit sĕpah,
kirṇnang pakṣi garantung-ing pangalangö - lĕngĕng-asĕmu kinangsyang-ing hĕping,
