214
7.Nantĕn ta hetu ning-adan balawirasangghya,
ndā mūrkka jāti cumaḍang prabhu ratnakaṇḍa,
sāmpun haneng giri mahottama tirtha rāja,
mwang detya danawa harĕp mumurang widarbbha.
8. Don-ing prayatna malĕmĕh ta kapāśa denya,
manggāku mātya sapadin pakacarwa bhaktan,
nā hetu ning tan-umilag saka ring kaḍatwan,
panggil wnang pjaha misyani dharmmayuddha,
9. He sang narendra tuhu duṣṭa wihang manahmu,
ḍik hāh ta kong paśujana syapa tanggalĕngku,
ndi wīrarāja mihateki ri pādukangku,
brāhmā wiṣṇu tka teki ya tan kawĕdya,
10. Sangsipa kong ratu kaṭungka mahatipāpā,
dūrān wnangnya lupute hyang-anantakaāla,
nā ling dwijendra matmah puruṣaḍanātha,
krūrāgĕng-adbhuta bangun dasāwaktrarāja.
11. Kagyat marang -/- wang-umulat ri tmah mpu
108.b. ḍanghyang
ngkā tang sarājya kadi ten mahurip gatinya,
mwang śrī narendra sira tan wruh-i denya mangka,
kapwāngadĕg sira harĕp milagan sinambut.
12. Krūrāmṛp-angdugang-ikād bhuta sang narendra,
garwwang balāmrih arĕbut sahaneng kaḍatwan,
ndātan kewran-i manah prabhu poruṣāḍa,
tandwānglayang sira tkeng gagaṇātiwegha,
