213
1. Mojar narendra nganubhagya ri sang dwijendra,
mangke paranta ri widarbbhapurātiśunya,
dūran mateki hana dhāna rajāta tĕmwa,
reh ning hulun prabhu kurang guṇa śaktimaṇḍa.
2. Ling sang narendra sumahur dwijarūpa tulya,
wruh ngwang matāku kita yan ratu śaktimanta,
ade wangśa - wangśa suranātha jagat praṇamya,
śastrājña wīra pinujīng dhanurāstra dibya.
3. Mangke tkangkwi kita de ni mahottamanta,
sangke śiwālaya pakon parameśwarāswi,
sandeha nira de ni manahta māsku,
dhānādi pūja winangun saha wīra rodra.
4. Āpan swabhāwan nira sang makapuṇya pūja,
karuṇya cītta licin-ing laku nissahāya,
tan mangka denta wiparīta mahāprabhangéa,
lwir buddhi ning lumurugāmrihang-indraloka.
5. Yekābangun pangupĕt-ing bhuwanātininda,
nirdon pasungta suka ring para paṇḍitaryyā,
108.a. ring swargga -/- dewata maminghĕt-i denta
māmbĕk,
hemañ carunta kahiḍĕp caruśeṣa tulya.
6. Mangkāwuwus nira wawang naranātha mojar,
dhū sang dwijendra bapa aywa salah manahta,
bhaktingku ring hyang-atibhekti suyajñā pinrih,
homādi dūran-arĕpe ruga ning triloka.
