212
ngkāneng pūrwotarātryang gaja ratha mariwĕg
koṭi - kotyāprameya,
kulwan rwang koṭi ring dakṣiṇa daśa yuta
tang cakra bajrāgra śakti,
sangke gōng ning wikalpānaha ri tka nikang
poruṣāḍādinātha,
4. Sök tang bhogopabhogānumin-umilī sangka ring
jro kaḍatwan,
tuṣṭāmbĕk ning watĕk yodhagaṇa ri pangiwō
śrī mahārajya dibya,
mweng sakweh - kweh nirang paṇḍita makamuka
sang wipra len śewa boddha,
sāmpun pinrih nireng dhāna mijil-i huwus
ing homayajñāniwaryya.
5. Don-ing pūjeniwö mwang stuti ginawayakěn
dhāna ring sarwwa dewa,
ring mitra twak skul tang sungakna ya
sadā jīwa ring śatru śakti,
yekānung tang pinanggih ring tri bhuwana
karěngö pāwak-ing rāt wiśeṣa,
sangsiptan nghing liṇeki juga ya kawkas
kirttya sang śri narendra,
6. Kañcit srī poruṣaḍā dwijatanu magawe waṇḍya
ning mātya ring prang,
107.b.tan kewĕh tar kaciryyan laku -/- nira kahiḍĕp
brāhmaṇan wṛddhajati,
prāptang śantī harěp śrī narapati sahajāng
gorawang puddhi tuṣṭā,
sāmpun tang sthāna singhāsana ri sire ḍatĕng
dadya linggih sahārṣa.
