211
4. Kalingan-ireki nora gamananya wnang huripĕn,
hiḍĕp-i paṭikta langghyana ri denta mameta muwah,
sahur-ira sang jayāntaka dadi wawang yar pawuwus,
aku juga tan waneh sumikĕpe ri ya tandwakna.
5. Sumiliba tangkwa rūpa wara wipra mahānipuna,
ḍatnga ri sanmukanya makalisya manāsya dhana,
syapa wneng-agrahe panikepkwi ta bajrasama,
sḍĕng-i pasungnya dhāna ya mnen ta ya pöngakna.
---oOo---
1. Rĕp śighrorṇni sirang bhūpati dadi matmah
brāhmāṇaindyarupa,
līlāsampat putih bāng wdihan-ira sawit tantu
diwyādhikāra,
tansah ring goduhā mwang jnu nira hinirañ
caṇḍaṇāmrik kapurnya,
kānan mwang keri sāmpun wija nira kataman
bhaṣmawījatiśuddha.
2. Mahyekang wīra yar ton ri sira paḍa suka
lwir sakeng brāhmaloka,
tūt marggāweda māntrastuti lari nira yan
mungsirekang widarbbha,
byātītan kāri ring pārwwata sahana nikang
wadwa yaksendra līngĕn,
sāmpurnnānungga - nunggal sire lumaku -/-
107.a. hane heng nikang rājya śobha.
3. Kirṇnāng wīrāpajĕg ring lĕbuh-ika pangalun lwir wah-ing pārwwatāgöng,
