106.1. kapwāngtěk sahana -/- ning mangiring kapūhan,
yan ton patibrata nirānulus-ing kahaywan,
ring rūpa dibya kahidāp kusumāstradewī,
3. Rěp śighra teki sira ring kṣaṇa ton kapanggih,
ring wiçņuloka kalawan naranātha moněng,
mwang sarwwa dewan-umarĕk baśawādimukya,
ndā yeka bhakti ri siran saha puṣpawarṣa.
4. Nāhan wulat nira bangun pangipyan,
tan warṇnanĕn yyulah-ikang muji sang mabela,
prāpteng wanaśrama sukāmbĕk-i sang munīndra,
ān pangrĕngõ ri kamahārddhika sang suputri.
1. Awicaritan ta sang rěṣi muwah pati sang nṛpati,
muwah-ikanang mahāsura mapet dhana ring nagara,
kṣaṇa ri tlasnya teki huningan prabhu yakṣapati,
sumuyuga ring widarbbha nagaran paran ring hŗdaya.
2. Tka ta sireng gunung - gunung-i saṇḍing-ikang nagara,
dedi mawuwus wimona ri tuhanya thér praṇata,
prabhu mapa dāya sang nṛpati de ning-umeta ratu,
nyata ya sukanya rakwa kapuhan supadin kawawa.
3. Apituwi sang narendra ri widarbbha mahāsuyaśa,
wka-wka tus ning-adbhuta wiśeṣa jayeng bhuwana,
106. b. ngaran-ira sang mahār -/- ddhika-mahārddhika śakti nira,
nṛpa jayawikramopama kināryya téwas masuwo.
