209
9. Sudipta - diptang curigān ginĕgwan,
de sang sudewīki mngĕs lungidnya,
ndatan hanāngṛs nira matra denya,
wet ning gya ning hyun tumute narendra.
---o0o---
1. Hah sang mūrwwa ri sihku sang pinakamuṣṭi ning-atutur-i tatwa ning ratih,
sang sākṣat smara_mūrtti ring pakasutan,
sang-amiṣani ri rṣga ning rimang,
tinghalte gati ning hulun tumuture kita pjah-atiśūra ring raṇa,
panggil rakwa ya hetu ningwang-iki yan silih- asiha muwah lawan kita.
2. Hāh rarkyan palakungkwi rūmta papagĕn wwang- i lĕyĕp-i kalangwan-ing tawang,
līlāngambaha candra sūryya ya tutĕnkwangusira hawan-ing mahottama,
towin rakwa katona dening-angiring sahana nika tuminghal-ing hulun,
rāmyākūnga lawan kiteki kaharĕpkun-umaluya wiśeṣa ning langö.
---o0o---
1. Nā ling nirāngayatakĕncurigāngne twas,
mumbul marang rudhira tan nahamöng sugandha,
yakārahup gtih-i ngañjali śūradhīra,
ndah śighra rakwa tumdun sira ring subahni.
2. Sāmpun pjah sira makin tikang-agni mumbul,
