206
14. Mwang sakweh nikanang wwang-adyah-i dalem sahana - hana ning-angganararas,
stri kryan - kryan hana panji - panji pada bela sang-anarima kung nireng jinem,
yekanyuh-ati sang narendra duhitagya tumuta ri pjah naradhipa,
nahen hetu nireki sighra tumurun saka ri ratha niratken saki.
15. Ngka ta sri parameswari sira kawran-i taya sawe sang nareswara,
samun rakwe pinet sirengideran-ing wiku para kaki sang samangdulur,
sakweh - kweh nika tan hananmu ri konapa nira sang-inisti ning manah,
towin sang tananeki rakwa juga tan hana sang-atuduhatidsrana.
16. Mangkin tibra manah narendra mahisi mangangen- angen-i tan sih-ing snong,
apan de ni glong nireki ya nimitta nira tan-sharep kaciryyana,
yakanung manguwa nireng twas-atleb dadi ka- lenger-i sawe, /
akrak sang mangiring manambuti siranangiei sira ri pangkwan-ing kaka.
---000---
1. Wkasan siranglilir-adan tah-angusapi luh tibeng pipi,
hah kaka haji ling-iran panawang,
