20
13. Narendra huningan patangguh i bhujangga haji marĕk-i sang narāḍhipa,
muwah nṛpa wadhu sireki juga tan dahat anahĕn i tibra ning lara,
apan puri ikang dadinya mawamohita suka tinĕmunya tan luput,
īwĕh tmĕn-ikang sadā suka ginĕngnya matmahana [11.b.] duh -/- kiteng jagat.
14. Kalinghanika aywa sang prabhu wimohita malara ri tan sih-ing widhi,
tatan tangis-ikang wnang lumipurā nṛpati tumkanang prayojana,
bhaṭāra hana ring swacītta ya pagĕhĕn tumuduhakna muṣṭi ning hiḍĕp,
sireki śarañāśrayanta kāraṇa ning-anĕmu duhka len suka.
15. Nahan ling-ira sang dwijendra suka sang nṛpati tuturi roda ning manah,
hilang ptĕng-ikang twas āsmu kadi candra suminang awa sāmpun-ing jawuh,
īkang bala sumamburat paḍa huwus mangulati ri sirang nṛpātmaja,
narendra hana ring pahoman-ika tañcaritakna lawan mahārddhikā.
--- 0 ---
1. Ndan sang śrī naranātha putra caritan sira tka ri hujung nikang wukir,
