205
mwang takang pjah-ing wanguntur-atuaang ri harep-i hiringing papanggungan,
astam tane wwang-i sanding-ing ghupura par-wwatasama marus-arnnawopama.
11. Honyang lwir makarang - karang saha tangisnyan asmu greh-ing labuh kapat,
tingkah ning wwang-apet kakungnyan-angurit sawa ri tpi ning-abdhi sobhita,
mwang tekang mangusir gunung sira tatanjrih-i rubuhan-ikang liman sawa,
dhirekan panapak rangin saha toweknya kadi parang-i tungha ning batur.
12. Len teng stri tumemung prayojana huwus pjah acurik-umandem-ing priya,
snjangnyarjja kanan-anan karudhiran kadi wahu kawawe pasanggaman,
dudwekang hana ring rathangyatakken curiga ling-ika milwa ring snong,
gagaknyaliweran haneng dhwaja pinanjer-i gager- i samipa ning kuda.
13. Wetanye harep-ing catuspata haneka waringin-atisobhitahalep,
parnnah lor saka ring bale bang-anopet ka- kidul-ika sakeng -/- yasadawa,
ngka tonggwan prabhu singhalendra pjah-ing ranan-umulahaken parakrama,
mwang sakweh para wirayodha karuhun rari haji paga bhakti tan kasah.
