202
mijil-ika len kakena pada bela ri jong nrpati.
2. Ndatan-ucapén ta sang prabhu huwus sira suksmamaya,
balagana sang jayantaka masuk mara ring nagara,
sahana heneng kadatwan-ika ratnawadhu tinawan,
mani kanakarjja ratna hinalap tkap-ing danuja.
---000---
1. Tan warnnan gati sang jayantaka milag sira ri huwus-iranjayeng rana,
dawi marmmawati sira caritanen tan-ilu ri pati singhaleswara,
ngkan wanten sira ring himalaya tapowana ni yayah-iran jiteng lango,
kyating rat bhagawan sukasa panlah paramaresi narendra purwwaka.
2. Yaka hetu nireki tan wruh-i pjah narapati tkap-ing musuh dateng,
towin rakwa sireki nguni kalawan karaga nira ngusir tapowana,
sambandan gati sang narendra dayita lengeng-angitung-i ramya ning taman,
ngka tanganti sireng mahanten-anular kakawin-ika patinggal-ing mango.
3. Ndan sang sri naranatha rakwa rumngo sira ri pakakawin nareswari,
mo -/- ghalek sira sangsaya hati hanonengakirima palambang-ing pudak,
