19
ri ngūni sira tan sakeng-iman-iman manah-
ira ri nareśwarātmaja,
sirāwaraṇa yoga sandi paramārtha karaṇa ning-
anĕmwakĕn suka.
10. Rikang kṣaṇa bhaṭāra buddha sakalānurun i
sira madadyangātmaja,
tinūt ni pangiḍam narendramahaśī ri wijil-
iran-apūrwwa ring jagat,
waling nira mateki tuhwa palarĕn saphala
siwinĕn-ing swanāgara, /
11.a. balik pwa magawe wiyoga pakabaficana sumĕk i
manah nareśwara.
11. Hanāmbĕk-ira tan katĕmwa ni anak nira sawngi
kalih wngi prihĕn,
pitow kta tan kapanggiha daśāng wngi liwata
kunang sakerikā,
ndatan malĕra ring swarajya musirang giri
wana pinakeśṭi ning ng hiḍĕp,
sadenya pjahāku ling nira ri tan katĕmu
nira nareśwarātmaja.
12. Sḍĕng nṛpati śoka duhkita ḍatĕng sahana - ha-
na nikang balādhika,
Sahānakĕbi mañjing-ing pura muwah para ratu
sira bhakti manglawad,
lawan sang-ati wṛddha paṇḍita mahottama maka-
muka sang dwijeśwara,
sahojar-ira weda śāstra karĕngö pangimur-imur-
ire nareśwara.
