Naskah milik : Kantor Dokumentasi Budaya Bali
Nomor: Cakepan No. :
Kropak No. :
Panjang / lebar : 51 cm / 3,5 cm
Jumlah : 155 lembar
Diketik tanggal : 14 Juni 1994
Disalin oleh : NKR Srawati
KAKAWIN SUTASOMA
1.b. Om Awighnāmāstu.
1. Śrī bajrājñana ṣūyātmaka parama sirānindya ring rāt wiśeṣa,
līlāśuddhā pṛtiṣṭeng hṛdaya jaya-jayāngkĕn mahāswargga loka,
ekācatreng śarirānguripi sahana ning bhūr bhuwah swah prakirṇna,
sākṣat canrārkka purṇnadbhuta ri wijil-irān sangka ring boddha cītta.
2. Singgih yan siddha yogiśwara wkas - ira
sang satmya lāwan bhaṭāra,
sarwwa jña mūrtti śūnyāganal - alit
inucap muṣṭi ning dharmma tatwa,
sangsiptān pet hulik ri hati sira
skungĕn yoga lāwan samādhi,
byakta lwir bhranta cīttāngrasa riwa -
riwa ning nirmmalācintyarūpa.
