193
muka tandang ning rākṣasa sumarasah ring balagaṇa,
byatītan māntuk śrī narapati sirān śighran umijil,
muwah sang bāṇā mwang rari haji wdin sep-amaḍana.
7. Pnuh sakweh ning wīra bala cumadang ring lĕbuh-agöng,
wanguntur sök tang sāmaja kuda rathātĕngran apajĕg,
gubar gong gĕṇḍing ghūṇnita ya kalaśangkāngrik umĕngöng,
98.a. ndatandwā tingkah sang prabhu mabhimu -/- kenggwan ring-asura.
8. Kagendra byuhānung glar-ira patuk bāṇa matguh,
hlar kānan śangkottara kiwa muwah salwa janaka,
ri teṇḍas sang wīrāpatih-ika mahāśūra suyaśa,
narendra pragtānggĕh nira milu dhirā māya ri wugat.
9. Nda śighra praptang rākṣasabala humung lwir glap-ahĕm,
gumuntur sangkeng parwwata saha gajāśwāglis-umasö,
prayatnang yodheng singgala kadi tasik rob mamalabar,
bangūn syūhang rāt de ni patmu nikātyanta majmur.
