192
2. Apan yan mantrībhṛtya juga yānya malayū,
ta yekā yan wīrādbhuta mamagutang śatru rĕmukĕn,
ndan-ākweh sojar tan pakaraṇa yaya kliwa masaki,
mne yuddheka sang prabhu mihata re ning balagaṇa.
3. Nda hinghanyekī yan rari haji sirāmangpanga musuh,
muwah wwang bhang śrī bhūpati sira kabeh ya - 97.b. -/- n mapaga,
tuwin yan len sangke sira ta juga aywenaya-makĕn,
awas mungkur dening wil-alit-ika bhītāmdi-mdi,
4. Tuhunyan ngwang tandweki pjah-i harĕp śrī narapati,
ndan-ānghing māsāngandĕgakna wuk-ing rākṣasapati,
apan ngwang hināpés wiguṇa ring-apekin pamnanga,
prasiddhālpāku lwir kadi daśa mating jöng mangiḍemā
5. Ndā nahan ling sang wīrapati humatūr sāḍara marĕk,
ndatan hṛt salyāmbĕk nṛpati tuhu yan kṣatriya kula,
sukā bhraṣṭā ring prang kṣaṇika linalun patulaka,
umūr matyācarwāku yadi mĕsatātīnggala pura.
6. Rikan manggĕh tan sangsaya gati nikang sing-halapura,
