189
15. Mwang sang narendra suta sangghya mahātirodra,
sālwādi rakwa saha sĕmbah-i sang narendra,
manyun ri tan wurunga ning laga sang narendra,
prodbhūta tang bala kabeh paḍa tuṣṭacitta.
---oOo---
1. Ngkā rakryan mapatih sireki humatūr prayatna ri haji,
singgih nirguṇa tan wruh-ing naya paṭik narendran-umarĕk,
gōng tṛṣṇāhati dharmma ning dadi hiḍĕpkwi sang narapati,
nāhan kāraṇa ning wikalpa kadi tan tumūta malaga.
2. Mangke pwā wkas-ing mahāyaṇa sudhirā yogā plĕngĕn,
dūra ngwang juga tan tumūta ri saduhka sang narapati,
tĕkwan wṛddha huwus humukti suka bhoga rātna kanaka,
stryādipati yeki dharmma wkasan nda aywa kalupa.
3. Āpan raka hiḍĕp paṭik haji ri tingkah-ing hulun-ike,
dṛṭṣtantopama weṣya ngūni keraṇanya wwah pari nika,
dening dhīra makaryya tar lĕga mareng sawah mamatuni,
96.b. hatu -/- nyan wki sĕk durungnya tinut-ing pirak pwa katmu.
