187
3. Nghing yogya taki juga bhūṣaṇa ning tumaṇḍang,
ring rājya pānglahane hetu nikān kināryya,
wwantĕn pwa bhūpati milag tkap-ing musuh sōk,
ndah yeka kuprabhu ngaranya mahātipāpa.
4. Mangkā pṛwīra -/- sasareng lain ring raṇangga,
95.a. kĕdwalupe tka nikang musuh-āprameya,
jrih kumyus-anglĕsa matinggala nāryyameng prang,
noreka yukti nika yan huripĕn narendra.
5. He he kemung bala kaṭungka mahātituccha,
dhik hāh ta kong-asu. milag saki pāḍukangku,
sing dharmma mulya tumute. ryyaku śaktya bhaktya,
nāśṭi pwa tan wun-aku misyana dharmmayuddha.
6. Tonton mneki pamuk-ing hulun-ing raṇangga,
mon matya mon mahuripeki ya tan kawĕdya,
yadyan kapāśanana de naramangsa ring prang,
swarggāku matya taḍahĕn hyang-ānantakāla.
7. Rhagyāku yan pjaha ring reṇa madhya mamrih,
karweka yosya ngusirĕn paramottamoka,
nghing aywn tan parama satya ginĕng ring-ambĕk,
tan satya hetu nika ngūtpata yeka nindha.
8. Kīdharmma ten pamuharānghayu yen susatya,
sonāngdadī hyang-ika tiryyak-ikāngdadi hyang wwang,
dewādi tuccha kahiḍāp dasājātirūpa,
95.b. dening wyamoha gati tan tuhu sadhu ring rāt.
