178
2. Yekā ta rowang daśabāhu ring rana,
mwang śāla dakṣeki sucitra tan kari,
yapwan hana prang wadane nareśwara,
yakṣādimūrkkā ya ta wighna ning jagat.
3.Bhraṣṭeki sakwahnya tkap nṛpātmaja,
wrin wrin lumakweng wana bhūmi bhārata,
len tang manungkul maharĕp ya jiwana,
tan matya yadyā maharĕp ya bhikṣuka.
---o0o---
1. Byatīta ri huwus bhaṭāra sugatandra bhūphālaka,
narādhipati rātnakaṇḍa caritan mahāduhkita,
blah suku nire tngĕn pwa kajiring śilāgrālungid,
ri kāla nira ngūni yan maburu mānuṣānglālana.
2. Tinūt nira mateki tandwa manahan larābwat mabĕh,
glanā sīra ring wit-ing waṭa ri madhya ning kanana,
tatan hana balan wruh-i yulah nirāgring rapuh,
swabhāwa nira nissahāya maglöng yadin tūtana.
3. Ya kārana nireki tibra kadi tan mahābhūpati,
tayoṣada tayāwlasāngbing-ikanang wimānomarĕk/
[90.b.] nimitta nira yan maśabda ri bhaṭāra kālādbhuta,
macarwa ratu sātus-ing wana yadin sudirghgang hurip.
4. Ri sāmpun ira mangkanāwungu marĕn sakit ning lara,
hanambĕk-ira masyangeng balan-umentukang nāgara,
prasiddha pinakāṣṭapāduka nirāmrihang bhūpati,
umeta sang-anang purāntara ya nisyanang prarthana.
