177
3. Ikang bala samapta mangkin-ati -/- bhakti
[89.b.] ri sira paramottameng sarāt,
para prabhu sabhāratheki paḍa tan salah ulah-i sirang nareśwara,
padāwwat-1 sadṛuyanān-ira maring pura ka ruhun-i sang suputrika,
ya hetu nira sang narendra kawahan binihaji bhūmiphālakā.
4. Narendra daśabāhu rakwa pakarākṣaka tan-umulih ing swanāgara,
muwah sahana sang watĕk ratu samangjuru sama hana ring gajahwaya,
nimīta nira sang mahādwija sukaṃbĕk-ira ri pangadĕg mahājina,
mahāmṛta hilang tikang kujanabuddhi dadi sujana dharama kārana.
5. Pitowi ri huwus nirāpatutan-ing gati sira kalawan suputrika,
sang-ārddhana ngaranya rakwa wka sang prabhu manaśīja dewatāngdadi,
nda mangkin-apagĕh manah nira mahādwija lakibi sirāsih-ing putu,
samangkana tĕwĕk niroki mamangun tapa matilar-i sang nareśwara.
---o0o---
1. Sighrātuhāgöng ta sira nṛpātmaja,
sāmpun gĕnĕp dwādaśa warṣa tang tahun,
prajñeng dhanūrwada pitāmahāguru,
[90.a.]sarewāstra tan len pangasih / nareśwara.
