174
nā tojar nira sang narendra sumahur sang śrī narendrātmaja,
mangkā tulya ni tuṣṭa ning hulun-ike bhakti narendrādhipa,
8. Ngkāne meru mahāgirindra pinaran mingkis madewāśraya,
pringghātrit wiparīta tan hana wnang mungsya mrihang parwwata,
sang yogiśwara towi tan pagamanan prapte ri kewöh tmén,
singgih yan patapan bhaṭara guru ngūnyā nindya dewottama.
9. Nghing sang paṇḍita keśawāgra sira sang sāmpun pṛśāstomara,
yekānung tinut-ing hulun sira tumoning wwang pratiṣṭarika,
tan sih ning widhi dewa bañcana nimīttangkun prasiddhān turun,
wet ning pāpa lĕhĕng ta ngūnya hiḍépĕ jöng śrī mahābhūpati,
10. Ndan sang śrī daśabāhu yatna sumilih mojar sire sang prabhū,
singgih yan para dewa sangghya megawe somyā narendrātmaja,
88.b. sakweh - kweh nikanang -/- surapsara wadhu mighne sḍĕng ning tapa,
manggĕh buddhi narendra putra malĕserang tang mahābañcana.
