173
4. Ndah ring sākṣaṇa teki tandwa ri ḍatĕng śrī hastinendrātmaja,
mwang sang śrī nṛpa putrikārjja wahu sah sangkeng rathānggomarĕk,
kepwānĕmbah-i jĕng narendra kalawan sang śrī supatnīśwari,
tan sah śrī daśabāhu rakwa mengiring bhakti narendrādhipa.
5. āmbĕk śrī parameśwarī paramatuṣṭānton narendrātmaja,
marmmāngrangkul-i bāhu sang wka airāngluh wet ni göng nging suka,
lwir ri swāpna hiḍĕpku rakwa ri tkanta mwang suputryāhajöng,
tan wwang len-amisan sakeng kami sḍĕng patnyānta māskwing puri.
6. Nā ling śrī parameśwarī mwah ikanā sang śrī narendrāmuwus,
hah rakryan ndi paranta hetu ni bapāngkun tan katuṇḍĕs pinet,
mewiwwang balawīracāraka pareng deśantara mwang wana,
[88.a.] hĕntyang rājya mahādri siņḍu pina -/- ran ndātan kapanggih kita.
7. Mangke pwā ri ḍatĕng ta dibya kahiḍĕp sākṣat bhaṭārānurun,
lwir sanghyang rawi soma denta magawe sobagya ning rāt kabeh,
