172
meh - meh prāpta sireng gajahwaya narendra mangĕn-angĕn-ikang nayolahakna,
tan len dūta mateki yogya gawnayĕn mawaraha ri datĕng narendra tanaya.
---oOo---
1. Drak sighrang baladūta tandwa wuwusĕn sāmpun těkeng hastina,
tușțāmběk prabhu hastinendra rumngö tingkah narendrātmaja,
ndan sang śrī parameśwarī satata duhkānglih matanggal sira,
mwang sakweh nikanang wang-adyah-i dalěm śobhāhilang tang lara.
2. Nāhan hatu ni narendran-umijil mwang śrī supatnīnaměr,
kapwānungsunga sang nŗpātmaja sirāgyā wet ni göng ning huněng,
sāmpun prapta sire wanguntur-i yawāmunggah sireng ayandana,
sök tekang balawīrarāja mangiring mwang sang jayendrottama.
3. Lunghāngdoh saka ring ka -/- ḍatwan-alaris
[87.b.] sang śrĭ narendrādhipā,
tan lingěn tikanang pradeśa kalawan lwah sěngka - sěngkan miring,
prāpteng dharma kaboddhanādbhuta ri hengnya nyāśa göng śobhita,
ngkā tonggwān-ira yan pangantya ri ḍatěng śrī narendrātmaja.
