171
5. Wwai mumbul ri tngahnya śuḍa mabning wa-
ringin-ika rumambayāhĕb-aruhur,
mīṇākweh kumḍap - kḍap ri tka ning panasmu
maṇik suteja gumiwang,
tūsanyāmalabar kinĕmbung-umareng sawah-asmu
samudra hangalun - alun,
wṛkṣāgöng rĕbah-ing tpinya ya mawarṇna bhanawa
kajahat añar katarahan.
6. Lwah göng wangkal-alit - alit hana ri tambing-
ika saktĕb-ing pasir winulatan,
honyang karkaṭa ring gĕlĕng saha sĕsĕh
kadi kapiting-awor lawan saripisan,
dunghus - dunghus-ike tpinya makarang paras-
asmu liman mahāpḍa magöng,
līlānūṣa śilanya rakwa sagunung ri tngah-ika
katon lĕyĕp kalimutan.
7. Ngkā tā śrī daśabāhu maṇḍĕg-irikāndyus-i
kuda nira len gajogjra manglih,
mwang sakweh nikanang rathāsira - siran kadi
parahu mangumbang-ing jalanidhi,
mangkin ghūrṇna sĕsĕk pnuh tka sang nṛpa
suta kalawan narendra duhita,
/87.a./ mo -/- mbĕh tang ratha len gajāśwari ḍatĕng
niran-anuti ri sang narendra rumuhun.
8. Ndah sāmpun rumuhun sireki ri pakon nṛpati
sira gumantya munggwi ri harĕp,
tan warṇnan ri lĕpas nireki ri surup ning-
aruṇa mamgil sireng girl wana,
