169
1. Lĕnglĕng araṣaku tan intarā ri tkap-ing sakamatan alangö
lwir ginamlan-aku kung lumung gadung-ikāsmu lungayan amilĕt,
nyū gaḍing arĕja sasāntĕn-ing nahas apet raras akara karang,
kumbang anisiki skar bangun rĕngih-ikang kawnang arabhagan.
2. Mrik minging-i pamabaring mayang mkar-awarṇna glung anumure,
tañjung asana tumibang lĕmah kadi susup-susup ika sumahur,
keṭaka sawtis-ing-adyah-i mrih anilib ya tumurun-amadhu,
yyar knyan aliwu-liwuhan bangun tapih-aneng dagan-ika katilar.
3. Mangkana manis-i manis nirāmaca palambang-amuwuhi langö,
śrī jinatanu sira haṛṣajāmuji tkap nira kawi ḍahatĕn,
cumbu sumarasah asung spah ri waja pangrĕnan ira wkasan,
sambyangarĕki pipi tan bĕsur tiniklan halis-i amu madhu.
---o0o---
1. Byātītan ri raras-raras nira bangun smara ratih-anurun nahāngapilangö,
