16
10. Kakyāti ring giri ya tonggwana ning mayoga,
mon setra sindu wana durgga bhayan karĕsrĕs,
ring śūnya margga tuwi yogyang anung ya dūra,
sangkeng kaḍatwan-usirĕn para mottameka.
11. Nāhan wuwus nira tatan kawnang winighnan,
śrī hastinendra kalawan naranāthapatni,
kĕdwā marabyakna ling nira rakwa mangke,
pūjan sireng nagara de para wīra sangghya.
12. Ndan ring samantara surup nira sanghyang-ārkka,
sāmpun lugas ri papupul naranātha ring jro,
sang śrī narendra suta śighra tkeng swaweśma,
mwang wīrasena humiring pada dibya rūpa.
-- 0 --
1. Tistis māsa pilih tabĕh pat i kjĕp ning akmit i
sirang narendra tanaya,
mampéh śabda nikang garantung ala-/- ngö lĕ-
9.b. ngöng-asĕpi manah nikang sanagara,
nghing rūm ning jaya gaṇṭi gaṇṭa karĕngö
mawuranika pikandĕl-ing pura humung,
dening kweh nira sang mahottama humastwa
jaya - jaya ri aywa sang narapati.
2. Ndan sang śrī sutasoma teki sira tan mṛm
utangĕni tuwuh nireki siwinĕn,
kewṛn de ni manah nirā kahṛt i bhūktya ni pa-
ngawaśa ning puṇarbbhawa gati,
