165
4. Nda yakā rāmya lwir manuku humut-ing wwāhan arĕbut, manah ning wwang ring jro pura raga-ragan dening-udhadhi, hanānambing ring wwai hana tka malunggwing karang-arĕs, waneh kadyāprang mwang pasir-ika jĕngnyāmapah alun.
5. Sapolahnyan lwir wīra taruga mahāśūra kahiḍĕp, ndatañjrih dhīrekānutati ri surud ning yyak umisĕp, tinangkis mangkin tan katututan-i göng ning yyak-umili, lah engging wang dening klabi tapih ikā lwir kahañutan.
6. Waneh wahwādan siñjang-ika masikĕp ciṇḍaga minging, tumandang lagyātangkis-asana sinĕmpal saha skar, matĕngrañ jring kĕṇḍangnya patĕr-aktĕr tan paligaran, kilatayāliwran lwir prabhawa ni hayunyādbhuta tmĕn.
7. Ri pungkur ning yyak mangkin-anukani ni rūm ning wwang anajĕng, paḍeñjuh buddhiayākara-karangi sat ning bañu murud, hurang krang ten tekang kapiting-inalapnyāsira -siran, 84.a.cucuk sakṣi mwang tang kupa-kupang-ikākwah sumarasah./
8. Hanekā wwang rāmyāsmu manngah-amrih hima - hima, ikang walwungkuk milwang-ikana tibā ghūrnna sinurak, pujut mwang gundik rakwa manlĕs-ikākweh-ulih-ika, pinuṇḍatnyābwat mangdani lukar-i siñjangnya kahudan.
