162
4. Mangka śrī daśabhāhu tuṣṭa ri hatur nira muliha ri hastineśwara,
82.a. tĕkwan rakwa sireki milwa /tumute sira saha kalawan nareśwari,
ndah sāmpun wihikan kabeh sahana ning bala muwah-ikanang wwanging puri,
yan sang śrī naranātha rakwa tumute sira nṛpa suta ring gajāhwaya.
5. Ndan sakweh nikanang wwang adyahi dalĕm lĕngĕng-asmu mangepwan-ing manah,
lwir tan milwa tumutā rakwa ri narendra hla-hla ri rāmya ning taman,
lĕnglĕng de ni lĕyĕp nikang kanaka weśma suminang anaruh diwākara,
sākşat swargga piniṇḍa teki ri gati nṛpa suta kalawan suputrika.
6. Tangheh yan huningan gatinya tucapĕn narapati
kalawan nareśwarī,
sāmpun sah saka ring taman sira tkeng yawa tumuluyanungganging ratha,
mukyā śrī jinamūrtti rakwa ri harĕp nṛpati sira lawan suputrika,
rāmyāsöng smita munggahing ratha bangun kanaka pacĕh-iran tininghalan.
7. Yakāngde rĕsĕp-ing tuminghal-i sirāsmu madhu
kalawan gulādrawa,
sakweh ning mangiring kapūhan-angalĕm ri sira kadi sakeng smarālaya,
