161
ndah mawlas kabeh tang-anawing mangni lara niran kaping rwana,
ling nikanang waneh ndi ta hanang kṛwag-alara pjah kinōluta -/- n.
–--0---
1. Byātītan ri patūt nireki mapupul kadi miṭuna ri rāmya ning taman,
tuṣṭāk nikanang sarājya karuhun nṛpati sira lawan nareśwari,
ri krāban kalase ki rakwa tucapĕn wali nira ya huwus sinanggraha,
mwang tekang suraṣādi bhojana pnuh sumarasah irikang balākrama.
2. Ndan rakryan mapatih sireki makamukya wahu tka sakeng purādhikā,
mwang sakweh para pārthiwangjuru sameki sira marĕk-i jöng nareśwara,
tan warṇnan ri parĕk nireki wuwusĕn nṛpa suta kalawan suputrika,
sorecuk mangajöng karāśmin-anawung sih apituwi ri sāmpun-ing rawi.
3. Āmbĕk śrī jinamūrtti tan sipi lulut - lulut ira ri narendra putrika,
nghing kewran sira da ni kung nira makāwitan-amuhara luh kinölakĕn,
nāhan he tu nireki manwit-i narendra sira sana lawan suputrika,
amwit mantuka ring swarājya sira tan muliha ri pura sang nareśwara.
