160
1. Māngkana de nirānisikakĕn wacana musapi gatra [81.a.] ning mu -/- ka,
cumbu wicakṣaṇāmalaku waswasĕn-i manis-irang dlā mata,
śrī nṛpa putrikātutur-i reh nira pada dadi ning ngke hyang-ūttama,
taman adbhuteki makapanglĕngĕngan-ira lawan mahājina.
2.Nista nireki rakwa wihikan sira ri lulut-i sang nṛpātmaja,
ndan paḍa de nirāsmu wirang rwang-angĕsĕ-sana bawa tan wulat,
wruh mangĕsah mkěh linukaranta pihangani jajāngṛmus tangan,
wruh manangis sirāngjriti knā nira kadi lara ning kneng panah.
3. Śrī nṛpa putrikā huwus-iran kawawa gupayalurwa-mādapa,
rūkṣa mhāh tuminghal-i tapih nira karudhiran- umwas-ing wtis,
śrī jinamūrtti marmma mawlas mangisapu thĕr-angaras pipi,
rāmya siran gamĕl susu tkeng tngah-anukupi sesi ning tapih.
4. Tan huningan raras nira bhawīṣyati gumuling akālihang hulĕs,
śrī nrpa putra yeka tumitih muwah-i lulut-ireng suputrika,
