159
sang lilārija mahākarang susu bangun dunungan-ing-angikĕt pralāpita,
mombak lwir ni tngahta dūran-ika tan pangarĕmakna rāga ning rimang.
6. Rākryan aywa wi -/- yoga māsku ri gatingkun
80.b. umaluya mareng tapowana,
dūrāsambhawa tan kalangkyangatĕneng-asuji maririseng labuh kapat,
swarggāmet kawahāmbĕk-ingwang-iki yan tan-asiha ri tuhanku wāhajĕng,
těkwan rakwang-iniṣṭi ning tapa tumĕmwa ri kita putus-ing prayojana.
7. Hāh rakryan winalingku mengĕta kitebu ri patmu maming jinālaya,
ngwang wairocaṇa locaṇā kita wkas ning-ahayu pinakeṣṭi dewati,
sangsiptā ring-apāku yan wnanga tinggala su-mikĕpa sandi ning tapa,
nghing yan warṣih-i rūmta mūktya phala ning tuwuh-aku maluyeng nirātmaka.
8. Lāwan māsku tutur tutur pwa ya nimitta ning-anurun-arūpa mānusā,
tan sangkang bhawa cakra tan winidhi ning titah-apituwi ṣāpa hetuka,
sinkwing hyang karuṇangku ring bhuwana mārgga ning-apisah-adumduman paran,
lwir ning swāpna jugaki rakwa ri hiḍĕpku katkan-apupul lawan kita.
---0---
