158
2. Undur aywa parĕk ta kong winidhi ning kaka kinědě mangaywa sanggama,
tan sangke gĕng-i kungnya tan saka ring-ambĕk-anuwukana rāga ning rimang,
yan sāmpun katkan manahnya maluyeng wukir-umuwah-angungsi śūnyata,
80.a. sih sih tan tuhu sihnya ta -/- n sira rĕsĕpang-ing ulat-ing-awding nareśwara.
3.Toh ndin ngwang-arĕpe ri yāsmu pasāh-ira tan-ana wlas mangāryyakĕn,
sis ndin wānya ktang lirang winilĕt-ing gaḍung-i puput-ikāmgat sari,
pan tan kenaka ning skar tumaněk-ing bhramara jněk-i ramya ning kapat,
sinvam konĕng-unĕng kasumpinga gatinya kahatakna ning macangkrama.
4. Nāhan ling nira sang narendra duhitāsmu tangis-angĕsah wimūrccita,
mingsĕr - mingsĕr-anikwakĕn tangan-ahewa lumihat-i sirang nṛpātmaja,
āmbĕk śrī jinamūrtti marmma mamkul tĕngah-angarĕk-i de nirāngucap,
wit ning komala sāri ning mṛdhu wuwus nira kadi madhu sāġarālangö.
5. Dyah sang lwir lĕngĕng-ing pasir sang-atḍuh luh-angalĕmĕng-i laṇdĕp-ing mata,
lāgyāgantĕr-i panghṛs-ing tangis-apet panulaka ring-asewasānmatha,
