15
4. Sangsipta teki wuwus-ingwang-i jöng narāryya,
tan wang maWalkala jugeka paṇḍiteng rāt,
tan muṇḍi rūpa tuwi tan si malinggamūrddha,
Wahyātma towi kta yan makamūrtti sanghyang.
5. Yapwan wiśeṣa ratu manggala teki pāpa,
yan paṇḍya rūpa juga manggĕha tang kadibyan,
do aywa mangkana tkap naranātha putra,
jñānā tiśuddha paramārtha wiśeṣa mulya.
6. Sang paṇḍitāryya nagarīking-uśāna tonĕn,
strī rātna pājaran ireki mahātirāmya,
līlā gagā matun i rūm ning-akung kalangwan,
lolyānacah sira na mukti sasaseningken.
7. Pūjā samādhi ringĕp nira dhīra cītta,
ngkāne tngah minging-arūm malurū sugaṇḍa,
mantranya tapwa rĕngihing kaknan smarāmrat,
suswārjja lepana yayan tumĕmwang kasiddhyan.
8. Nā ling dwijendra sahaśāstra sahopadeśa,
sang śrī narendra suta sārjjawa yatna mojar,
wruh ngwang mateki yan asinggwana ning mayoga, /
9.a. yan paṇḍitang manah-acintya wiśeṣa ring rāt,
9. Nghing durllabheki sang-anĕmwa sireng swarājya,
sang nisprayojana yayan sira kepwan-ambĕk,
dening byamoha ri kaśaktin-ing-indra yārtha,
rāgādi yeka magawe sasar ing kamokṣan.
