153
tan warṇnan ri gatinya rakwa huwus-ing pidudukat-ucapĕn kathākna muwah,
śrī putrīka lawan nṛpātmaja hinoma sira tkap i sang mahārddhika yati.
---oOo---
1.Ndah yekā -/--n pūrṇna pujā nira dadin-umijil [77.b.] sangka ring dewaweśma,
munggwing paprāsanatyadbhuta nṛpa suta len śrī suputryā niwaryya,
sākṣāt sanghyang smara mwang ratih-ira mapupul ling nikang wwang tuminghal,
himpĕr - himpĕr katoneng tawang-ira raras-iran mungsireng swargga loka,
2. Ātyantā mānuṣeng rūpa tuhu sira putus mūrtti-ning hyang wiśeṣa,
kirṇnekang wwang subhakti sira sahana nikang wīrayodhāprameya,
len tang mantryādhika somahan-ikan-umarĕk puṣpa sĕmbahnya maglar,
wang tekang puṣpa sangkeng langit-angawang - awang cihna ning buddha janma.
3.Hū mwang tang weda mantrāstuti suragaṇa ring byoma lāwan maharṣi,
gĕṇḍing gong ghūrṇniteng śāla humung-abarungan len-ikang śangka tinyup,
ramyākweh tang manonton ri sira sḍĕng-iking rajakaryyādwitīyā,
dewī -dewārddha merang mulati sira tkap ning mahādibyarūpa.
