146
10. Lwir tan pātma sirān mengö - mangĕn-i tan
74. rĕsĕpan -/- ira ri sang suputrika, tān han sangkeng hana patra ning turida kewala winidi ni sang nareśwara, hetu śrī nṛpa putring epu manahén lara wirang-amarantyakén tangis,nāhan hetu nirang surāga mawuwus - muwus-i siran-amet prahelika,
11, Rākryan wruh ngwang-i donta ngūni bibi yan wiwal-i gati ning-angjajah langö,tan polih kalangön mihat ri sira sang wahu tka mamangun panas hati, ring rūpa krama hīna wīryya guṇa tan hana kapiliha hetu ning tangis, himpér wwai malétuh waséh tangana tan kna wiphala ning-ahyunerika.
12. Rakryan aywa tuhanku sangsaya nihan hulunitu marĕka nareśwara, sāmpun rakwa wkas nireng hulun-ikang tumutakna manah suputrika, ngkā rakwābangunang swayambara sirāminanga ratu sabharateśwara,yadyan tan hana kungta rakwa ri sirang jinakula muliheng swanagara.
13. Yadyan tan hana sānmathanta ri sirang para ratu sahaneng jagat kabeh, sakweh - kweh para dewa rāja pinangén pramuka sira bhaṭāra keśawa,
