144
3. Wwantĕn lwir hayu ning tulis titir-amarṇna ri hayu ni narendra putrikā,
liśyanyan pamuwus narendra suta sang siniwi siwi pakeṣṭi ning hiḍĕp,
mogha lĕk tika yan kinawruhan-ikungnya ri sira smu ning kabhāsmaran,
hah mithyekinya yeka kindha pinacĕ - pacĕh-anambyakĕn tangis.
4. Makweh bhāwa nikang waneh paḍa kapengininajĕnga karaśmi ning jinĕm,
rāmyāmrih mawisik - wisik paḍa silih kuku susu masilih sahut pipi,
len tekang lali yan kalungsur-i tapihnya kasarakat-anganti ring dagan,
dening kung wkasan kapoyuh-angbak paḍa tlas-amarantyakĕn guyu.
5. Len tang ramya magoṣṭi ring natar-ahöm-hĕman-i wijil-ikang niśākara,
ānghing rakwa narendra putra winuwusnya riṇacaṇa rinūpakeng hati,
ring rūpādhika wiryya tan kapalang-ing guṇa sira manulus sulakṣaṇa,
singgih yan jinamūrtti rakwa pangucap ning-umulat-i sirānulār smara.
6. Pamyaktan ri kadewamūrttin-ira ring taman-atiśaya nora tan wruha,
āpan rakwa ri ngūni - nguni karĕngö -/-
[73.b.] sahana - hana nirang watĕk ratu,
