143
yekānung pakarowwang-ing mangun karyyā śrī narendrātmaja, siddhā ning warangön mateki ya tutĕn sojar mahājyotiṣa.
18. Lāwan sang mapatih sireki milihong rajyeki tatan waneh, donyāmeta suwarṇna rātna saha kāryyā ning wiwāhakrama, tangheh yan huningan wkas - wkas-irāmwit sang kinon māntuka, eñjing rakwa mneki mangkata ri sāmpunyang tabĕh pāt muni.
---o0o---
1. Wwang ring jro pura garjjiteki rumngö paḍa wihikan-ikāpti sang prabhu, yan rakryan nṛpa putrikā laris-atĕmwa sira payu lawan nṛpātmaja, yekāngde lĕngĕng-ing manah mangĕni polah-ira paḍa wiśeṣa ning rimang, byakta lwir lĕyĕp-ing pasir wukir-acumbana matmu ri rāmya ning kapat.
2. Len tang bhranta mangĕn ri lampah ira sang lwir-asana kisapun mneng jinĕm, mārmmāmakpaka sawang - sawang bhramara yan pamisiki thĕr-angaras pipi, cumbwāngola tngah sirānglaku kasungsutana waśa ri lungsur-ing tapih, mūrccāngṛsi manahnya yan kadi raras ning -/-
73.a. inamĕr-ika hetu ning mnĕng.
