142
14. Śobhāgöng hangelun tikang kuwu snāddhi śrī narendrāmgil,
bāpra mwang ghupuranya tuṇḍa sanga yatnang wīra yodhākmit,
sök rangkangnya huwus kinaṇṭa tinateng jro lwir raras ning puri,
deśākweh para kuwwa sanggraha lawan jurwādi sang mamangun.
15. Sakweh ning bala yodha len gajarathāglar sök surakṣeng yawa,
gĕṇḍing roñjing-aneka rakwa tngĕran śrī bhūmināthānaḍah,
ndan sang śrī sutasoma māntuk-irikang udyāna parṇnah nira,
lor wetan saka ring sunūṣa malangö rāmyāngungang pañcuran.
16. Sāmpun rakwa sireki pinrih-iniwö ring bhoja wastrottama,
de sang śāla lawan sang-antĕn-ākmit tingkah narendrādhipa,
ngkā sang śrī jinamūrtti tibra sawngi glānāngarang kāsihan,
tan mṛm lwir winahĕl tikang mata tkep śrī candrawatyāhajöng.
17. Byātītan ri luput nirekin-atmah lah rāga tan pantara,
śrī kāśyādhipa bhūmirāja ca -/- ritan dewī
72.b. nira tan kasah,
