141
kālih rakwa sirān haneng sphatika weśmajñā narendrādhipa,
söng - söng ning turīdātmah ktĕ - ktĕg lumreng jajāngde lĕngöng.
11. Buddhī śrī jinamūrtti lĕnglĕng-alangö de śrī narendrātmaja,
rūpā hyang suranātha ngūnin-atmah strī tan tumaṇḍing pisan,
tan hopĕn tikanang mamañcana kabeh sakweh nikang āpsari,
norang mar ppat aneka tan swa marĕke jöng ning suputrī taman.
12. Yekāngde tñuh-ing twas epu kaskan kung rāga lāwan lulut,
guntur hyun kawahan raras hati babal tekang kayogīśwaran,
tĕkwan wruh sira yan narendra duhitān dewī nireking dangu,
tansah rakwa sakeng śarīra ri sḍĕng ning hārddhanārīśwara.
13. Tangheh yan wuwusĕn hajöng nira bangun hyang ning taman rwānurun,
anghing rakwa sireki yogya warangĕn ling ning mihat kasṛpan,
byātītan ri surup hyang-arkkan-umulih sang
[72.a.] śrī nare -/- ndrādhipa,
mwang sakweh nira sang mahas sira huwus prapteng pakuwwan kabeh.
