136
5. Nden sang śrī naranātha rakwa wihiken sira
ri manah-i sang nṛpātmaja,
ākāreng gati ning tulis marahakĕn tĕñuh-i
hati nirāpulang lulut,
tan warṇnan sira lālanāngitungi pangjrah-ing-
sasana ri tīra ning raṇu,
tensah śrī jinamūrtti kādbhuta sirān miyat-i
lĕyĕp-ikang pacangkraman.
---o0o---
1. Ya hetu nira yan patakwan irarendra ri sa-
hana nikang sakendriya,
ri mūla ni langonya nūṣa kadi nūṣa ka-
naka halĕyĕp tininghalan,
Nahan wacana sang narendra suta bhūpati sira
Mawuwus manohara,
tuhanku huningan warahkwiki warah surapati
sira mājar-ing hulun,
2. Uśāna karĕngö katatwan-ikanang sphaṭikagraha
sunū -/- ṣahottama,
bhaṭāra jinarāja dewapati rakwa sira wkas-
ing-iṣṭi dewata,
sirān-upama sampratiṣṭa makakahyangan-iki ka-
lawañjineśwari,
prakāṣa mara hetu ning taman-anindita wuhaya
bhayādbhuteng raṇu.
3. Ya kaāraṇa nirā ndaten hana wnang mahasa ri
kalangönya dūrggama,
samapta para dewa sangghya mawding hila - hila
gurutalpakenucap,
