13
17. Ndin ngwang tan lĕlĕhā tuminghala ri rūm ning mungsirang parwwata,
dhīrānwām prabhu cakrawartti tanayā dadyā paragyātngö,
cūrṇnang manmatharūpa yeka hamĕsö nisroma mundhyātmaka,
göng ning wiryya wiśeṣa rakwa paḍĕmĕn ring jñāna śantā smṛti.
18. Rātnanopama ta mrabandamara rūmtāngde panas ning hati,
candrārkkādbhuta pūrṇna ta pwa ri sḍĕng ning megha kambwan riris,
śastrājñādhika paṇḍiteng kujana bhūmyātyanta ring niṣpala,
mangka kṣatriya janma rāja. suta ya nmung-syām riheng śūnyata.
19. Towin rakwa haneka dharmma karĕngö de sang mahābhikṣuka,
wṛddhyānak putu yogya yeka pasungeng mattā pitā nindita,
widhyā gocara kirṇna śiṣya pasungeng ḍang-gurwanāntakrama,
dharmmadeśana śuddha lakṣaṇa tapānun dāna ring rāt kabeh.
--- 0 ---
1. Kayogyan-ika masku rakwa juga sakṣaṇa sumilih-ane nareśwara,
amuktyakna lābha ning jaya mamṛddhyakna suta sutantra kottama,
