132
6. Tuhankwīndung singgih tuhu niki wuwus teng
hulun-ibu,
śiwādi brāhmā wiṣṇu katiga sira tan kĕna mara,
ndanistanyā tan dewa nṛpa suta himpĕr pwa
wnanga,
apan sākṣāt niśreyaśa sira tmah śrī jinapati.
7. Nda nāhan pamyaktan ri sira tuhu yan bu-
ddha sakala,
praśasteng rāt ngunin kararayan-iren dug
wawu mijil, -/-
67.b. prayatnā dewāngastuti saha skar ring lāngit-
ahumung,
wināśang sarwwā kleṣa kujana maluy śantika mati.
8. Rikā śighrāgöng rakwa tuwuh-ira śastra jña
tumuli,
suśīlanwam lwir hyang smara manulus-ing rūpa
lalita,
sudhīreng yoga śrī bagawati tkā bhaktya
ri sira,
lawan sanghyang ning bhumi tmu skta sira
bhaktyāsih-umarĕk.
9. Muwah sakweh ning dewata gaṇa paḍātwang
sira kabeh,
tkap ning jñānācintya parama sḍĕng ning
kasutapan,
apan sākṣat werocaṇa sira tkap ning surapati,
tinūt ning hyang bhakting nṛpati suta mahā
poddhi kahiḍĕp.
.
